220030, г.Минск, ул. Володарского, 16 +375 17 365 46 94 для слабовидящих
БЕЛ РУС ENG
Алея пісьменнікаў і новы мост

Сёлета жыхароў Капыля чакаюць адразу дзве значныя падзеі. Хутка ў горадзе пройдзе Дзень беларускага пісьменства, а потым адбудзецца і абласны фестываль-кірмаш працаўнікоў вёскі «Дажынкі».

Праз раку Каменку ў райцэнтры пабудавалі новы мост . Яго ўпрыгожваюць цудоўныя ліхтары с белымі шарами. Новы мост арганічна ўвайшоў у гарадскі краявід, цяпер па ім любяць шпацыраваць мясцовыя жыхары і госці горада. Асабліва прыгожа выглядае мост ноччу, калі запальваюцца ліхтары.

 

 

Стаў больш прывабным пасля рамонту будынак райвыканкама. А ў самым цэнтры Капыля работнікі мясцовага жыллёва-камунальнага прадпрыемства пачынаюць ствараць Алею пісьменнікаў.

 

Вядуцца работы на Алеі пісьменнікаў

 

Сёння вядзецца добраўпарадкаванне месцаў, дзе будуць усталяваны інтэрактыўныя лаўкі, якія будуць пазначаны літарамі ў адпаведнасці з імёнамі пісьменнікаў: А — Алесь Адамовіч і гэтак далей. На ўсе літары будзе нанесены QR-код, і з дапамогай мабільнага тэлефона можна будзе даведацца, якому пісьменніку прысвечана гэта лаўка, і якія літаратурныя творы ён напісаў.

 

Вядуцца работы на Алеі пісьменнікаў

 

Напярэдадні свята работнікі ЖКГ прыводзяць у парадак пойму ракі Мажа. На беразе ўжо з’явілася новая драўляная альтанка, уздоўж берагу перакладваюцца новыя пешаходные сцежкі.

 

Пойма Мажы

 

Касметычны рамонт шматкватэрных дамоў выконваецца на вуліцы Партызанскай. Сёння яны выглядаюць так, быццам нядаўна пабудаваныя. А на вуліцы Замкавай з’явілася новая дзіцячая пляцоўка з прыгожым гульнявым абсталяваннем. Гэта вельмі добры падарунак для маленькіх жыхароў горада.

 

Новы мост

 

Нагадаем, што Дзень беларускага пісьменства ў Капылі пройдзе 4–5 верасня.

Інфармацыя падрыхтавана па матэрыялах "Звязда"